Home / Belangrijk / Artiest 5: Dich en Ich

Artiest 5: Dich en Ich

Margo en JoostOp zaterdag 14 november vindt de ‘Leedjesaovendj’ plaats in Neer. De komende tijd stellen wij u alle artiesten voor die meedoen aan de Leedjesaovendj. Vandaag stellen wij Dich en Ich aan u voor!

Wae zeen ‘Dich en Ich’. Margo Pouls en Joost Silvrants, of angesóm. Ein noe duo oppe Naerse Leedjesaovendj.

’t Is allemaol óntstange aan ’t buffet. Inne kefee. Of tiejes ’t danse of inne polonaes op ’t Vastelaovesbal, woeë Margo en Joeëst allebie vaste klantj zeen. Mer ’t kan net zo good oppe Leedjesaovendj zelf zeen gewaesj…. ’t Is in eeder geval neet duudelik wennieër ’t duo ‘Dich en ich’ is gebaore, mer det ’t d’r gezellig waas maag duudelik zeen! Oos missie waas geliek duudelik, neet vatbaar väör misverstenj: eine echte Naerse sjlager make, gein “van Noord toet Zuid” mer “op ‘t Kèrkplein”. Geine “Limburger” mer “Naerse Waerse”. Ein projekt, ein doel, ein leedje, eine kieër mètdoon.

Good, de ieërste stap is gezat, mer den bösse d’r nog neet! ’t Moch ’n paar jaor doore väördet stap twieë waas gezat. En dae höbbe we nao oos meining good neergezat. Nao get gewazel en gewauwel en inkelle pöt beer later is ’t ós same mèt Onno Geelen gelöktj óm oos geveules, emosies en lètters die róndj sjpoeëktje in oze kiebus op pepeer te zètte. En dit ouch nog ‘ns in ein volgorde die väör ederein te begriepe is. Sjterker nog, doe zoojs d’r ein leedje van kènne make! Nao get telefoontjes links en rechts en vèsse in ónbekèndje vievers, haaje we den eindelik beet: Mark van Mullekom wooj oze meziek waal sjrieve. En zoeë vele alle puzzelsjtökskes oppe juuste plaats.

Vanaaf toen is alles bienao vanzelf gegange. Get sjave hie, get knaeje dao en wae zeen superblie mèt ’t resultaat: ‘De leefdje väör vandaag’. En wae haope det gae det ouch zeetj! Dus koomtj allemaol loestere en kieke, mer väöral geneete, danse en mètzinge oppe Naerse Leedjesaovendj 14 november inne Haammaeker!!!

Margo en Joost

Bekijk ook:

Nieuwe dirigent Muziekplein

Bas Clabbers is de nieuwe dirigent van fanfare-orkest Excelsior & De Eendracht Fanfare Excelsior uit ...

Wordpress Copy paste blocker plugin powered by http://jaspreetchahal.org