Home / Nieuws / Artiest 10: Buurt Haonssum

Artiest 10: Buurt Haonssum

HaonssumOp zaterdag 14 november vindt de ‘Leedjesaovendj’ plaats in Neer. De komende tijd stellen wij u alle artiesten voor die meedoen aan de Leedjesaovendj. Vandaag stellen wij u Buurt Haonssum voor!

Ein Buurt woeë de Vastelaovendj laeftj,  want Haonssum is hof leverancier van Vorste en Jeugdvorste vanne Kwiebusse, op Haonssum woeëne zelfs mieër as 11 aod Vorste en Jeugdvorste. Aafgeloupe jaor wónne ze nog de Sjaak Boeëne Wisseltrófee inne optocht, woeë ze al mieër as 55 kieër aan mèt deeje, daonaeve zeen ze al jaor en daag aktief bezig mette bóntje aovendj, en ze zeen neet weg te dinke oppe leedjesaovendj woeë ze dit jaor alweer väör de 25e kier op de bühn sjtaon.

En waem kan zich de leedjes neet mieër herinnere,  “Dae hèldj de kraag neet lang óm”,  en  “wae hoove ós nörges väör te sjame”   of  “det maag oore lang doore”   allemaol evergreens bènne de Naerse Vastelaovendj die se nog eeder jaor hueërs. En det d’r in die 25 jaor oug äöverwinninge behaoldj zeen sjprikt väör zich, en daoróm haet Haonssum in ‘t verlaeje oug al 2 x op ‘t podium moge sjtaon bie ‘t P&M leedjes festival.

Waat biezunjer is, is det ‘t leedje väör Haonssum al diverse jaore door eige buurtgenote  waertj gesjraeve en gekomponeerdj.  Det de jeugd op Haonssum ‘t mèt de paplaepel waerdj ingegaeve zuus se aan laeftied vanne deilnimmers, de jóngste van ‘t gezèlsjap is 16 en de aodste 63.  Waat bie Haonssum neet anges is as bie die angere Naerse Kwiebusse is det ze eeder gelaegenheid aangriepe óm d’r weer ein sjoeën fieëst van te make en det gaon ze oppe leedjesaovendj oug weer doon,  same mèt die anger dielnemers en mèt uch natuurlik.

Toet den

Buurt Haonssum

Haonssum

Bekijk ook:

Nieuwe dirigent Muziekplein

Bas Clabbers is de nieuwe dirigent van fanfare-orkest Excelsior & De Eendracht Fanfare Excelsior uit ...

Wordpress Copy paste blocker plugin powered by http://jaspreetchahal.org